وبلاگ لاردا گزيريديم . گوزوم فرهنگ آذربايجان وبلاگيندا شهريارين بيوگرافي سينا ساتاشدي . ايسته ديم كي بو بؤيوك شاعيريمزدن ياد ائله ماخ اوچون همان بيوگرافي ني بووبلاگدا قويوم . بئله نظريمه گلدي كي شايد او وبلاگي يازان راضي اولمويا . بونا گؤره تصميم توتدوم كي شهريارين عكسيني اونون بير شعري نن باهم سيز عزيز گؤرنلره يازيم . تا بئله ليگينن اوز درين احترامي مي شاعيريميزه گؤرستميش اولوم .
ناز ائيله ميسن
چوخلار اينجيكدي كي ، سن اونلارا ناز ائيله ميسن
من ده اينجيك كي ، منيم نازيمي آز ائيله ميسن
ائتميسن نازي بو ويرانه كؤنول ده سلطان
ائوين آباد آولا ، درويشه نياز ائيله ميسن
هر باخيشدا چاليسان كيپريگي مضراب كيمي
بير قولاق وئر بو سينيق قلبي نه ساز ائيله ميسن ؟
باشدان آچ يايليقي ، افشان ائله سوسن – سنبل
سن بيزيم بايراميميزسان قيشي ياز ائيله ميسن
سن گول اول ، قوي غمي ميز داغدا قار اولسون اريسين
منيم آنجاق ايشيمي سوزو گداز ائيله ميسن
من بو معناده غزل يازمالي حاليم يوخدي
سن جوجوق تك قوجاني فرفره باز ائيله ميسن
كاكلي باشدا بوروب باغلاميسان تاج كيمي
او قيزيل ساچدان اونا ، گوللي قوتاز ائيله ميسن
سينه بير دشت مغاندير ، قوزي يان- يانه ياتيب
منيم آغلار گؤزومي اوردا آراز ائيله ميسن
بو گؤزلليك كي جهاندا سنه وئرميش تانري
هر قدر ناز ائله سن ائيله كي آز ائيله ميسن
مني بو سوزيله آندين ، آرالاندين بيليرم
آراني بير پارا نامرديله ساز ائيله ميسن
دستمازائيله ديگين چشمه مسيحا قاني دير
بيلميرم هانسي كليساده نماز ائيله ميسن ؟
من «عشيران» اوخوسام پنجه «عراق» اوسته گزر
گؤزليم «ترك» اولالي ، ترك «حجاز» ائيله ميسن
تازا شاعر ، بودنيز هرنه باخيرسان ديبي يوخ
چوخ اوزاتسان بوغازي ، اوردگي گاز ائيله ميسن
بسكه زلف و خط و خالين قوپالاغين گؤتدون
زلفعلي نين باشيني آزقالا داز ائيله ميسن
گل ، منيم ايسته ديگيم كعبه ييخيلماز اوجالار
باشدا دا كژ گئدة سن ، ديبده تراز ائيله ميسن
خطو خاليندن آليب مشقيمي قرآن يازارام
بو حقيقتله مني ، اهل مجاز ائيله ميسن
مني ، دان اولدوزي ، سن ياخشي تانيرسان كي سحر
افقي خلوت ائديب راز و نياز ائيله ميسن
شهرين داغيليب ، داغدا داشا دالدانيب
اؤزون انصاف ايله ، محمودي اياز ائيله ميسن
لوطفن اؤز نظرلريزي يازين و مني راهنماليق ائليين .
هیچ نظری موجود نیست:
ارسال یک نظر